Friday, November 14, 2014

The Lost Gospel, The Last Temptation Of Christ & The Da Vinci Code-Te Dâwt Sawi Hailanna

Thuhmahruai
The Lost Gospel (Fiction written around 500 A.D.), leh The Last Temptation of Christ (Adapted from the Lost Gospel Fiction written by Nikos Kazantzakis & Film Director Martin Scorses), leh The Da Vinci Code (Fiction written by Dan Brown) te hi Ngaihruat Lasi Thawnthu Phuahchawp leh Zirtirna Dik Lo (Fiction & Heretical Teachings) an ni a, Lal Isua leh Kristianna Dotute an ni. An Thu kalpui dân & Suk-thlek dân (Theology) leh Thiltum (Motives) a In-ang vek. Dâwt-thu leh Rinthu bâk sawi tur an nei lova, Thu Belhchian dawl lo leh Chhui-chian dawl lo thu an theh-darh a ni, tih i hria ang u. 

He Thu Dik Lo leh Zirtirna Dik Lo hi Prof. Barrie Wilson leh Writer Simcha Jacobovic-te chuan, British Library thir pindan (vaults) chhunga kutziak lehkha (manuscript), hlui tawh tak kum 1500 vel zeta upa chu British Library-ah hmu-in, Thudik ang takin an Thehdarh a, Lal Isua kha Mary Magdalene-i nen inneiin Fa 2 (4?) an nei a, Nula Thianghlim Mary kha Isua nu ni lovin a nupui zawk a ni, an ti a ni.

Proof or Evidence Ţha tak Supporter Pakhat mah an nei lo. Kristianna (Christianity) leh Lal Isua Sawichhiatna atâna Ngaihruat Lasi Thawnthu Phuahchawp (Fiction/Fairy Tale) a ni a, Legend pawh a ni pha lo, tih i hre reng bawk ang u. The Lost Gospel leh The Temptation of Christ leh The Da Vinci Code te hi Unau Pianghmun, Chhul-khat chhuak an ni a, an Thu-vuak thlak chu a in-ang vek a, Lal Isua leh Kristianna Dona a ni. A hnuaiah hian an Thu-ken leh Zirtirna-te tlêm a zawng ka rawn tarlang e:-


1. The Lost Gospel an tih hi Thu belhchian dawl lo leh Bible-a inziak lo hlir ţanchhan a, Ngaihruatna Lasi Thawnthu (Fairy Tale/Fiction) Behchhan hmanga ziak a ni. Thuziak Dang Support-tu pakhat mah a nei lo. The Lost Gospel hi Zirtirna Dik Lo (Heretical Teaching) a ni a, Antichrist Thiltum leh Hmanrua Tarlanna (Antichrist Agenda) a ni a, Bible-in Chanchin Ţha Dang (2Kor.11:4, Gal.1:8-9) a tih-te zinga Pakhat a ni. Lal Isua leh Kristianna Dotu, Setana Hmanrua leh Thiltih a ni.

2. AD 200 (2nd Century) Hmalama Thuziak, Bible-a Telh tlâk nia an hriat zawng zawng chu, Teh-chikima Teh-in, Kohhran Inkhawmpui Lian (Church's Council) hrang hrangin an lo pawm-te Chauh Bible-a Telh an ni. AD 200  Hmalam-a Ziak-te Chauh Rintlaka Pawm a ni a, Bible-a Telh an ni. AD 200 Hmalama Ziakte zingah pawh Telh loh tam tak, Rintlak tawk lo a awm avanga Bible-a Telh tur-te hi Thlitfim an ni.

3. AD 200 Hnulama Thuziak-te chu Bible-ah Telh tlak lova ngaih a ni. "The Lost Gospel" an tih hi AD 500 hnu lamah chauh Ziak a ni tih hriat a ni a, Lal Isua leh Kristianna (Christianity) Dotu & Beitu a ni tih a chiang hle. AD 200 Hnu lamah hian Gnostic (Greek Mifing Ringtu Der)-te chuan Lal Isua leh Kristianna chu nasa takin an do zui a, Lehkha Ziak tam tak an Chhuah nghe nghe a ni. Gnostic hote hian Lal Isua Krista Chanchin Ţha (the Gospel of Jesus Christ) hi AD 60 bawr vel aţang khan an lo Do ţan tawh a ni (Ref. Ephesi, Kolosa, Johana Lehkhathawn et.).

4. The Lost Gospel an tih Ziaktute hi Gnostic-ho an nih ngei rin a ni. An Thu kalpui (theology) Duhdân aţangin thil tam tak a hriat theih a ni. Panentheism Zirtirna an lâk uar dân aţangin a chiang hle. Panentheism hi Greek Philosophy leh Gnostic Zirtirnaah a innghat tlat a, he Zirtirna hi Gnostic-ho Philosophy aţanga rawn Zi-chhuak a ni tih a chiang hle.

5. Lal Isua Dona leh Sawichhiatna a tel avangin Juda Firfiak-hote (Lal Isua Messiah a nih pawm lo tute) pawh an tel tih a hriat khawp mai. The Lost Gospel Behchhan-a Film siam “The Last Temptation” Fiction Ziaktu Nikos Kazanitsakis hi Greek nationalist & Marxist & Panentheist a ni a, Lew Wasserman, President of MCA (Owner & Producer of Universal Studios), Sidney Sheinberg, President of MCA, leh Gary Goldstein, Head of National Promotion and Field Operations for MCA te hi Juda-mi (Jewish) vek an ni. He The Lost Gospel (The Last Temptation of Christ/The Da Vinci Code)-a Thu Chuang-te leh Pharisai Kulmuk-te (Lal Isua Pathianna Hawtu & Hnawltute) Lehkhabu (Babylonian Talmud- Sacred Rabbinic Scriptures)-a Thu Chuang-te hi a In-ang hle. (Read More at www.drjohnhlychho.com)

6. The Lost Gospel, leh The Last Temptation of Christ, leh The Da Vinci Code te Zirtirna hi Bible Thuthlung Thar Lehkhabu 27-te Zirtirna nen-a Inmilh Pakhat mah a awm lo. Hei hian achunga Tarlan Thuziak/Film 3-te khi ANTI-CHRIST, ANTI-CHRISTIANITY & ANTI-GOSPEL (Krista Dotu, Kristian Dotu & Chanchin Tha Dotu) an ni tih a ti-chiang nghal.

7. AD 50-150 Chhung khân Kohhran-te zingah Documents (Pathian Thu Lam Hawi Thuziak) hrang hrang- Lehkhathawn, Chanchin ţha bu, Hriatrengna Thuziak, Thupuanchhuah bu, Thuhrilh lam, Zirtirna hrang hrang, etc. (epistles, gospels, memoirs, apocalypses, homilies, and collections of teachings) tam tak a awm a, hetiang lam hawi pawh hi a tam hle a. Chungte chu Kohhran Inkhawmpui Lian-ten Bible Scholar-te Kaltlangin Uluk takin an Thliar hrang a. Tuna Bible-a kan neih tak Bible Bu 66-te hi Rintlâk leh Pawmtlâk nia an ngaih-te chu an ni ta a ni.

8. Kohhran Inkhawmpui Lian leh Bible Scholar-ten Bible-a Telh Tur Thuziak (Documents) an Lâk-khawmnaah hian a Fimkhur hle a. Bible Bu Dangte nen inzawmna leh In-anna (relations & similarities) an neih leh neih loh-te ngun takin an Compared a. Bible Thiam-te (Scholars) Ngaihdân (Surveyed other Scholars' reactions)-te an la a. Kohhran lam Ngaihdân mai bâkah, Khawvel lam Ngaihdân leh Khawvel lam History (Surveyed Non-Christians' both Secular and Religious reactions) te thlenga Lâk-khawm leh Thlir kual vek a nih hnu-ah kan Bible Hmanlai Bu 66-te hi a lo piang chauh a ni. He Kohhran Inkhawmpui Lian-a an telh tawh lote chu pawm chi leh rin chi an ni lo tih i hre thar leh ang u.

9. Mithiam (Both Religious & Secular Experts) tam zawk daih-te chuan Eng Sakhua pawh nise, Thu Belh-chian dawl lo, Chhui-chian tlâk loh chu Thupui Hlapui-ah an la duh ngai lo. Mahse, heng Scholar rintlak tak tak zingah hian “a rintlak loh an lo inphûm ve ţhin a” Chung mite chuan, Mahni intih-lâr (popularity) nân leh Pawisa hmuh nân hetiang hian thil an ti ta ţhin a ni. Chanchin Bu The Sunday Times, leh Lehkhabu Chhuahtu (Publisher) Pegasus leh News Network CNN IBN te pawh lâr duhna leh an pawisa hmuhna hi an um ber chu a ni mai a. Khawvel mi an ni a, an tih-tur dik tak, an pa Diabola duhzawng dik tak an ti a ni e.

10. The Lost Gospel/The Last Temptation of Christ/The Da Vinci Code-a Bible Kalh-a Zirtirna Ţhenkhat-te:-

10.1. Mari (Mary Magdalene) chu tunlai mi ang maiin Tattoo-in a inziak râng ruai mai! Juda-mi tân hei hi phal loh tawp a ni (Lev.19:28).  

10.2. Lal Isuan nupuia a neih duh loh avangin Mari (Mary Magdalene) Nawhchi a zuar angin the Lost Gospel-in a ziak hi Bible-ah leh Thuziak dangah hmuh-tur a awm lo.

10.3. The Lost Gospel hian Lal Isuan Mari (Mary Magdalene) ke a hruk sak thu a ziak a, Bible-ah Mari hian Lal Isua ke a hru zawk a ni. Lal Isuan Mari ke a hruk hi Bible-ah a awm lo.

10.4. The Lost Gospel-in Lal Isuan Mari (Mary Magdalene) nupui-ah a nei a, fate pawh an nei, tih thu hi khawi lai Bible chângah emaw, Thuziak dangah emaw a awm lo, Phuahchawp a ni.

10.5. Mary Magdalene thih hnu-in, Lal Isuan Lazara farnute Mari leh Mathi (Mary & Martha)-te nupuiah a nei leh a, fate neiin a tar thlengin a awm, tia the Lost Gospel ziak hi Dâwt a ni, Bible-ah leh Thuziak dangah hmuh tur pakhat mah a awm lo,

10.6. The Lost Gospel hian Lal Isuan Mari Magdalene-i kawchhung aţanga Ramhuai 7 lai a hnawhchhuah sak thu a ziak lang miah lo!! Hei hian Bible-a Mary Magdalene leh the Lost Gospel sawi Mari Magdalene mihrang (different person) an nih thu a ti-chiang nghal (Luke 8:2; cf. Mark 16:9).

10.7. Lal Isua Thawhlehnaah khân Mary Magdalene hi Thlân-a kal zingah khân a tel thu Bible-in a record a (Matt 27:61; Mark 15:47; John 20:1-18). The Lost Gospel chuan sawi tur engmah a nei lo, Lal Isua Thawhlehna kha a pawm loh avangin…

10.8. Lal Isua leh Mary Magdalene-te Inneih thu leh Fate a neih thu hi Thudik nise Kohhran Hmasa-te Hunah khân Thuziak tam takah a Chuang kur-ngei nguai ang a, an Ziak lang êm êm ang. Chutiang lam hawi Thuziak hmuh tur pakhat mah a awm lo. Chuvangin, the Lost Gospel-a Thuziak-te hi Dâwt muhlûm a ni. 

10.9. The Lost Gospel Ziaktu hi Panentheist a nihzia chiang takin a lang a. Panentheism chuan “thil tha leh thil chhia hi then hran theih an ni lo” (no final distinction between good and evil) tiin a zirtir. Hei hi Bible Zirtirna kalh tawp a ni.  

10.10. The Lost Gospel-in Lal Isua thusawi ni-awm taka a ziak, “Dawt sawi hmang ka ni a, engkim ka hlau a, thudik ka sawi ngai lo..” a tih-tir hi Bible-a Lal Isua thusawi leh nungchang nen a inkalh vek. Chuvangin, the Lost Gospel hi Dâwt leh Phuahchawp a ni tih a chiang.

10.11. The Lost Gospel chuan Juda Iskariota chu Mi ţha leh ropui, Hero angin, Lal Isua aia ţha zawk, Lal Isua kawng-kawhhmuhtu angin a chhuah daih thung!! Bible-ah erawhchuan Juda Iskariota chu Mantirtu, Mi Vervek, Boral fapa, a kawchhunga Setana lut angin a sawi thung (Matt.10:4, Luk.6:16, 22:3, John 17:12). Hei hian the Lost Gospel hi Lal Isua Hawtu Thuziak a nihzia a lang-chiang nghal bawk.

10.12. The Lost Gospel hian Historical Truth (Religious & Secular History) aiin Fictional Truth (Ngaihruat Lasi Thawnthu Phuahchawp) a ngai pawimawhin, innghah nân a hmang zawk a. A Thu Phuahchawp Ţanpuitu (evidence/supporter) Thuziak dang pakhat mah a nei lo bawk.

10.13. The Lost Gospel hian, Lal Isua thusawi ni-awm tak Dik lo takin an sawitir leh a, “Lucifer chu ka kawchhungah a awm a, Lal Davida fapa i ni lo, mihring satliah fapa mai i ni, min ti a” tiin, Lal Isua sawi loh pui an sawitir leh a ni. Bible chuan Setanan Lal Isua a hlau a, Lal Isua Thuhnuaiah a awm thu min hrilh zawk.

10.14. The Lost Gospel hian Lal Isua chu a chhuah-chhe hle mai a, Hmeichhia a hmuh apiangte ngaih-melh a, sex hmanpui duh mai mihring angin a sawi a. Mahse, Bible erawhchuan, Lal Isua nungchang mawi zia leh duhawmzia sawiin, “sual reng reng ti lo leh sawi lo…” a ti thung (2Kor.5:21, 1Pet.2:22, Heb.4:15). Chuvangin, the Lost Gospel Ziaktu hi Lal Isua Dotu leh Sawichhetu leh Dik Lo taka Puhtu a ni tih hi a chiang tawk viau a ni.

10.15. The Lost Gospel chuan Pathianin min Chhandam theih lam aiin, Mihringin Pathian kan Chhandam theih lam a sawi uar hle a!!! (It is not God who will save us--it is we who will save God). Hei hian The Lost Gospel Ziaktu hi Gnostic Greek mi, Pathian ang hiala thiltitheia inngai a nihzia a rawn tichiang hle.

10.16. The Lost Gospel hian Kohhran Inkhawmpui Lian leh Bible Scholar-te Ngaihdân Pakhat mah a la lova. Khawvel lam Ngaihdân leh Khawvel lam History (Non-Christians' both Secular and Religious) pawh Pakhat Mah a la lo bawk a. Bible Bu Dangte nen inzawmna leh In-anna (relations & similarities) Pakhat mah a nei lo bawk. Chuvangin, The Lost Gospel/The Last Temptation of Christ/The Da Vinci Code-te hi Dâwt Phuahchawp leh Dawt Bu an ni e.   

PS:- Remchang hmasaberah “The Da Vinci Code Dawt Sawi Hailanna” a hran-in ka rawn post leh ang.

0 comments :

Popular Posts